منوعات

قضيّة مستحقات الفقيد ريان الكشباطي : محادثات واتساب تورّط نوفل الورتاني (صور)

خلال حضوره مساء اليوم الاثنين 26 افريل 2021 في برنامج رمضان شو مع الهادي زعيم، على موزاييك اف ام، قال نوفل الورتاني ان ما يروج له لا صحة له.

و أضاف الورتاني أن أغلبية الذين يروجون الخبر و يقدمون انفسهم كاصدقاء للفقيد المسرحي ريان الكشباطي (الذي توفي يوم 21 افريل الجاري في حادث مرور) لا علاقة لهم به و حتى من هم ممثلون و روجوا هذا الخبر فهم يكذبون.

و نشر شاكر الجهمي الصديق المقرّب للممثل الشاب الراحل ريان الكشباطي، صورا لمحادثات بين نوفل الورتاني والمرحوم وهو يترجاه لدفع مستحقاته المالية، وذلك ردا على تصريحات الورتاني و ارفق شاكر الصور بالتدوينة التالية :

هاي الحقيقة بعد ما حب نوفل الورتاني يخبيها
نوفل خرج في موزاييك و عمل فيلم كان هو البطل في دور البراءة
و بما أنو حبل الكذب قصير ، و الكذاب فيسع ما يبان على حقيقتو .
أنا كي هبطت أول مرة و حكيت ما حبيتش لا نهبط des captures لا شيء ، و قلت يمكن كلامي يوصل ل #نوفل_الورتاني و يحشم على روحو و يستعرف و يرجع حق المرحوم ، أما تقريب اللئيم ما يعترفش بالقيم و الأخلاق

مالا ايا هاي الشهادة الكاملة و الحقيقة لي حب الكذاب يتهرب منها
تكذب عالناس و تقول علاقتي طيبة بريان ، و ريان ما يسالنيش فلوس ؟
و الكلام هذا مالا شكون قالو ؟ و تنجم تتجرأ و قدام الناس الكل توري ميساجات واتساب بينك و بين ريان لاخر لحظة قبل ما يموت ؟
مالاول ما حبيتش الحكاية تكبر اكثر من اللازم و ستنيت من نوفل و كاكتوس انهم يتصلوا بدار ريان و يعتذروا ، أما ملك التقديم التلفزي طلع كذاب و بلاش مبادئ و طالع يكذب عالشعب ، تي كان سكت و كرمت لحيتك بيدك يمكن خير من انك تكذب و تلزني باش نطلعك بلعوط و ذيب قدام الناس الكل ..

هذه شهادة ريان و كلامو في الميساجات ، غير برشا كلام آخر بيناتنا في الدنيا كي يحكيلي علي عملتوه فيه ..
حسبي الله و نعم الوكيل مرة أخرى ، مانيش نحكي في الكلام هذا عندي بيك شماتة و ألا ورثة
أما نحب حق خويا يبان و ما تكذبوش عليه و تظلموه حي و ميت يا سقاط ..

مقالات ذات صلة