أخبار محلية

العياري يردّ على الشواشي : نجاوب العروفات ما نجاوبش الصنّاع كيفك و إنت وزير مكسّر برتبة ادمين فايسبوك

نشر النائب ياسين العياري تحديثة على حسابه الشخصي بالفايسبوك هاجم فيها امين عام حزب التيار الديمقراطي غازي الشواشي على خلفية تصريحاته اليوم على إذاعة الديوان اف ام و التي وصف فيها العياري بالمكلف مهمة من طرف النهضة و المراهق السياسي منتحل الصفة و هكذا كان رد النائب عن حركة امل و عمل :

رجاء، يهديكم، أعفيوني من هذيان الوزير السابق و الأمين العام بالتناوب غازي الشواشي Ghazi Chaouachi! لن أجيبه المرة هذه كيما يستاهل، إحتراما لبعض العلاقات الإنسانية، نجاوب عرفه شقرون ربما، في كل الحالات لا أجيب الصناع، كان مشى خلص كريدي حزبه خيرله و ربي معاه في تفادي النزول متع حزبه، مزال عايش في الاوهام و الاحلام و الخرافات.

غدوة، موعد التاسعة صباحا مع السيد وزير التجارة، حول قانون المنافسة و ملف عرفه ناصر شقرون مع مقترح قانون يحل مشاكل التوزيع و فيه ما ينفع الناس نعرضه عليه. بعده لقاء مع مستشار للسيد رئيس الحكومة حول وضعية جريح الثورة وليد الكسراوي مع تقديم دراسات و شرح الأسباب لمقترحاتنا في قانون المالية.

ثم، لقاء مع مسؤول أجنبي (أمل و عمل هي الوحيدة في كل التنظيمات السياسية في تونس و أتحداهم الكل، لما يطلب مسؤول أجنبي لقاء، نعلموا كتابيا وزارة الخارجية و رئيس مجلس النواب و انسقوا ديبلوماسيتنا البرلمانية مع الديبلوماسية الرسمية، ما عندنا شي في الغرف المظلمة و ما ندخلوش السفارات كي السراق).

نهار السبت، 3 إجتماعات، باش نخدموا مقترح القانون الي بش يوقف وديع الجريء عند حده. نهار الإثنين، على الصباح، ملف العتروس و مارسك الدنماركية قدام فرقة مكافحة التهرب الضريبي و العشية نركحوا الأسئلة الكتابية،

عندنا 125 فقط الأسبوع هذا، مشاكل مواطنين نجريو في حلانها، إي إي في أسبوع واحد أكثر من كتلتك مجتمعة في عام. نفس نهار الإثنين الهيئة الوطنية للإتصالات ملف 3s و هكزابايت.

اترى يا غازي؟ و الله لا عندنا وقت لوزير مكسر، لوزير برتبة أدمين، لا يقدر أن يخفي خيبته و وجيعته و قالت العرب قديما، ودت الزانية لو زنت كل نساء الأرض و قالوا، رمتني بدائها و أنسلت! تي ثمة صانع نهضة في تونس قدك! و ماك تعرف، أحنا على عكسك، ما نفلموش نثبت ما نقول دائما فخلي بالسترة خيرلك.

ما أصغرهم و قداش ما يحبوش الإحترام! لن يكون هناك تحذير آخر، عاودها و سنكون في حل من كل قواعد اللياقة، أمل و عمل، لحمنا مر. #خانهاالفخفاخقالت_مسحورة

زر الذهاب إلى الأعلى