أخبار محلية

ياسين العياري لمحمد عبو: أنت تحتضر و إكرام الميت دفنه

نشر النائب ياسين العياري تحديثة على حسابه الشخصي بالفايسبوك رد فيها بشكل مطول على تصريحات محمد عبو في برنامج وحش الشاشة على قناة التاسعة و هذا نص التدوينة :

ياااه، أ هذا إذا سي وزير الدولة محمد عبو 🙂 أ كان الجرح غائرا إلى هذا الحد 🙂 للإشتراك في الرائد الرسمي، متوفر لأي شخص فيكم و الآن، أنقر على الرابط : http://www.iort.gov.tn حط “فرنسية” و توة تجيك على اليسار abonnement هاني حطيت صورة، كل واحد منكم ينجم يتثبت قانون السجل الوطني للمؤسسات 52/2018 تره في أي لجنة تصاغ؟ هات نثبتوا في موقع المجلس :

ttp://arp.tn/site/servlet/Fichier?code_obj=103330&code_exp=1&langue=1 لجنـــــة الفلاحة والأمن الغذائي والتجارة والخدمات ذات الصلة ناخذو مثلا الحضور في جلسات مداولات اللجنة (بالكشي عضو أما فاصع ما نحضرش) ، نثبتوا شكون الأعضاء، يطلعشي ياسين العياري موش منهم 🙂

ttp://arp.tn/site/servlet/Fichier?code_obj=102509&code_exp=1&langue=1 يا! تي هاني عضو في اللجنة 🙂 و حاضر ، تي علاش تكذب على التوانسة سي محمد 🙂 بالك مؤامرة عليك سي محمد عبو الصديق الصادق الأمين ، نشوفلك فيديو يوتوب أعمال اللجنة و أنا حاضر باش تتأكد و بره 🙂 ؟ نواصلوا، في الصورة، بروفيلي على السجل الوطني للمؤسسات، كيما قاعد ترى، بإسمي و لقبي و أي مواطن ينجم يعمل حساب على هذا الرابط : https://www.registre-

entreprises.tn/search/RCCUserManagement.do?action=getPage. شبيني ما حكيتش على فساد الي قبله سي محمد؟هكة تو؟ تي أنقذوه أعملوله دورة تكوينية متع أنفورماتيك في 3s عيب هكة راهو! تي لوج على قوقل يا رسول الله! أديت القسم 6 فيفري 2018، قعدت عام ونصف فقط نائب وقت حكومة الشاهد، قدمت فيهم 11 قضية جزائية ضد وزراء مباشرين و قضية ضد سليم العزابي.

كم قدم نواب حزبك ال3 في خمس سنوات سي محمد؟ صفر! 🙂 كل الأدلة الي قدمتها زعمة باش “تفتقني من بعضي” يرد عليها بنقرتين! كي تنحات الأدلة و الإثباتات للمؤامرة العالمية الي في خيالك؟ إش قعدلك ؟ نقلك : التشنج و الغرور و السفسطة و قلة الحياء! سيشهد التاريخ أن يوسف الشاهد ما شكاش لا بيك لا بسامية هضم جانب موظف و أنت شكيت بالتهمة السخيفة البعلولية بياسين العياري. سنواجهها بكل شجاعة منغير ما عينينا تزغلل في التلافز و دون حصانة سي محمد و سنفوز و نقاضيك إدعاء بالباطل!.

طوال الأزمة، عاملتك بإحترام و حفظت المقامات و فصلت الذاتي عن الموضوعي، كنت نرى فيك بعين كبيرة. الكلام الي قلتو عليا اليوم، السبان و قلة الحياء و الأكاذيب (كيما كل مرة، أنت تتكلم بالأوهام و الطلاسم و أنا أقدم ديما الحجة و الوثيقة و الدليل) يدخل تحت طائلة القانون، فيه الثلب و فيه الهضم، لكن موش بش نشكي بيك في هذه، مسامح في شخصي و متصدق بعرضي على مجاريح السياسة و أتفهم وجعك و حيرتك و إحتضارك السياسي و خروجك من الباب الصغير بزوز نقرات من شاب جاهل و فخور بجهله و يقعد لآخر عمره جاهل و يسعى إنه يتطور و يتعلم كل يوم.

لكن سألاحقك في حق التوانسة وفي تسترك على فساد الكمامات و أنت تعلم أني أفعل ما أقول، إنت و وزرة البلاستيك و الي كردالك مقر حزبك المخالف للقانون، خاطر هذيكا خدمتي الي نخلص عليها من فلوس التوانسة. معلومات جاتك عليا 🙂 ؟ في وزارة الوظيفة العمومية جاتك بالتأكيد 🙂 ؟

توة فهمت علاش تحب على الداخلية سي محمد، سي محمد شد جمعة وزير تجسس على معارضيه و خرق معطياتهم الشخصية و شكى بيهم هضم جانب موظف و عمللهم دوسيات باش يكشفها كإنتقام 🙂 ، علاش كنت تعارض في بن علي بربي؟ على كل، موش بش نزيد على ما بيك سي وزير الدولة السابق محمد عبو، في السياسة أيضا إكرام الميت دفنه و أنت إنتحرت اليوم : كذب، قلة حياء، إفتراء، سبيت منخرطيك، سبيت التوانسة، الكلنا خايبين متآمرين فاسدين و أنت فقط..

المهدي المنتظر! فقط أقدم الأدلة باش التوانسة الي حبيت تغلطهم يثبتوا وحدهم شكون الكاذب و شكون يخدم على روحه بجدية و شفافية و وضوح. معادش تكذب على أمل و عمل، تطلع خاسر ديما خاطر في أمل و عمل، خدمتنا منظمة و كل شيء ديما بالحجة و الدليل و الشفافية المطلقة. بالتوفيق سي محمد في ما تبقى من مسيرتك و طبس راسك و إنت خارج، فكيما قلتلنا أنت عملاق و كيما قاعد ترى، باب الخروج صغير! #أملوعمل #ماينفعالناس

زر الذهاب إلى الأعلى