أخبارأخبار محلية

منال عبد القوي تتعاطف مع علاء الشابي .. “انا عشتها الحكاية “

عبّرت الممثلة التونسية منال عبد القوي، اليوم السبت 6 جوان 2020، عن ألمها لمعاناة الاعلامي علاء الشابي مع المرض.

وقالت في تدوينة على حسابها الرسمي “فيسبوك”: “علاء علولو الغالي توة قريت الخبر والصورة من عند خوناسمير الوافي، هرعت لصفحتك وقرأت ما كتبت انت عن مرضك، علولو عزيزي الغالي علاقتي بيك فاتت الخمصطاش سنة وكانت ديمة علاقة أخوّة واحترام ومعزّة متبادلة،

قلبي وجعني عالكلام الي كتبتو اما نحبّ نقولك برشة حاجات أوّلها عمرو المرض ما بش يستفرد بيك وحدك خاطر جمهورك في تونس والمغرب الكبير والعالم أكيد كلهم يدعيولك ودعاء الغائب و”الغريب” مستجاب بحول الله (أنا عشتها الحكاية) يرحم والديهم الناس الكلّ ،

وزيد عايلتك واصحابك واقرب الناس ليك تأكّد انهم يدعيولك، علاء عمرك ما تخمّم انك وحدك كيما كتبت خاطر حتى كان احبابك هزّتهم مشاغلهم ومرضهم ومشاكلهم هوما زادة تأكّد انهم مانساووكش وكان يصلّيوا اكيد في صلاتهم بش يدعيولك و كان يشربوا بش يهزّوا كأس في صحّتك ويتمناولك الشفاء وكان لا يشربوا ولا يصلّوا بش يتفكروك بدعائهم وتمنياتهم بالشفاء ،

خاطر يحبوك وانت تتحبّ، علاء انا مش بش نهز التلفون ونكلمك خاطر انا مثلا كي نتعدّا بفترة صعيبة مالنوع الي كي حدّ يكلّمني بش يقويني ولا يواسيني نتعب أكثر الله غالب طبيعة اما تأكّد إنّي ندعيلك انت وصحابي المرضى والتاعبين الكلّ وربي يعلم ، ماكش وحدك كلنا معاك سواءا ظهّرنا ولا خبينا اما دعائنا ليك ما ياقفش،

نعرف صاحبي راجل وبقدرة ربي ابتلاء محمود من عند الخالق ، وثقتي في ربي وفيك قوية انك ستنتصر. اللطف عليك علولو الباهي. طهورا إن شاء الله”.

الوسوم

إدارة التحرير

صحيفة إلكترونية جامعة متجددة على مدار الساعة
زر الذهاب إلى الأعلى
إغلاق