عدنان منصر : الحياة عند قيس سعيد مؤامرة و لازم يزيدها للفصل الأول من الدستور

علّق عدنان منصر حول اعتزام المكلف بتشكيل الحكونة هشام المشيشي التقاء رؤساء الحكومات السابقين ورؤساء الجمهورية للتشاور وقال منصر ،سمعت في الأخبار أن سي هشام باش يستقبل اليوم رؤساء الجمهورية والحكومة السابقين ويسمع آراءهم في موضوع الحكومة. حاجة باهية برشة يلزم تولي عادة عند أصحاب المسؤوليات.

وأضاف منصر في تدوينة على فايسبوك “بعد جا لبالي السيد الرئيس، وقلت في قلبي (نأكد على أني قلت ذلك في قلبي) علاش سي قيس ما عملش هكة حتى مرة. من بعد الحق لعنت الشيطان، ورجعلي شاهد العقل. عاد كيف رجعلي قالي راهو سي قيس ما يستحقش يشاور حتى حد.

فاهم كل شي من الأول للإخر. أصلا هو يتفرج في الرسالة كل عيد صغير، وصلاح الدين الأيوبي كل عيد كبير. وزيد الأمور ساهلة: الحياة مؤامرة. (هذي يلزمها تتزاد للدستور في أول فرصة) “

زر الذهاب إلى الأعلى